loader

الاخيرة

تصغير الخطتكبير الخط العودة
أرسل  ارسل إحفظ  إحفظ إطبع  إطبع

رأي مصري

رُفعت الجلسة (!)


لا انتخابات ولا حوار.. لا مصر مصر، ولا الزمان هو الزمان.. انقسمت البلاد إلى فريقين.. فريق من الهواة يحكم، وفريق آخر يصرخ.. لا الثورة غيرت شيئاً، ولا حققت شيئاً.. جبهة الإنقاذ قاطعت الانتخابات.. التاريخ يعيد نفسه.. الظروف هي نفسها، قبل انتخابات 2010 التي أطاحت بـمبارك.. الرئيس مرسي طلب الحوار.. إليكم التفاصيل:

- قاطعوا الانتخابات؟.. عملها البرادعي، وعمرو موسى، وصباحي؟!

- دووول عملاء يا ريس؟.. فين بلاغ قلب نظام الحكم؟!

- صحيح.. اطلب لي النائب العام.. لازم أربيهم، ورأس الإمام البنا!

- فين كرامات النائب العام؟.. إحنا حاربنا الدنيا علشانه، وغيرنا الدستور؟!

- (يسرح) البرادعي عاوز ينزل الجيش؟.. وصباحي عاوز يبقي ريس؟!

- في المشمش.. لازم تبعت لهم رسالة واضحة، زي الشمس!

- حذرت في حواري مع الليثي: دونها رقبتي.. شكلهم ما فهموووش!

- النائب العام لازم يحرك القضية.. خليهم يدوقوا السجن زينا!

- الخوف الدنيا تضلم.. يا نهار أسود.. معقول نحبس البرادعي؟!

- مبارك كان غلطان.. كان لازم يحبسه، لما رجع مصر!

- هههههه.. رجوعه كان لمصلحتنا.. هوه تعب، واحنا ركبنا!

- بس إزااااي نخلص منه دلوقتي؟.. مشكلة كبرى!

- عاوز حد يكلمه؟.. كان لازم نكلمه، عشان يرحمنا؟!

- يعني جت على الكلام؟.. عاوز يحكم.. والله عاوز يحكم!

- الحل ندعوهم للحوار.. نستشكل عليهم، قدام الرأي العام!

- طب ما سيادتك وجهت الدعوة.. وبرضه همه قاطعوا؟!

- هل معقول البرادعي، وموسى وصباحي، ييجوا مع 50 واحد؟!

- كانوا اتهببوا حضروا، وإحنا كنا نوضب لهم قعدة ملوووكي!

- النية كانت مبيتة للمقاطعة.. سواء للانتخابات أو للحوار؟!

- يا ترى موقف واشنطن إيه؟.. اوباما حكايته إيه؟!

- اوباما دعاني للزيارة.. قلبي مش مطمن أبداً؟!

- من أسابيع قالوا: الظروف غير مواتية.. إيه استجد دلوقتي؟!

- صراحة مش عاااارف؟.. أميركا ما تعرفش غير مصالحها؟!

- لازم نهدي الجو؟.. دووول غداااارين؟!

- طبعاً.. مبارك نفسه لم ينصروووه.. باعوووه!

- قالوا له: الآن الآن.. وليس غداً!

- فال الله ولا فالك.. البرادعي وشركاه، عاوزين كده؟!

- لا برادعي ولا غيره، ولا اوباما، ولا أنجيلا ميركل!

- ميركل؟.. الست دي ما تجيش مصر، طول ما أنا قاعد؟!

- فعلاً.. كانت مقابلتها وحشة جداً.. بتبص لك من فوق لتحت؟!

- لا عاشت ولا كانت.. أنا الرئيس المنتخب؟!

- طظ في أي حد، يهين خليفة المسلمين.. كفاااار!

- النغمة دي مش واكلة مع حد.. لا في الداخل، ولا الخارج!

- هنجيب أكبر شركات دعاية دولية.. بكرة ندخل في موووود الحكم!

- دي مسألة حياة أو موت.. نفذ فوراً.. محتاجين تلميع!

- لألألألأ.. ما شاء الله يا ريس.. الجاكوزي ظهر وبان، والبدلة وااااو!

- المهم.. شوفوا طريقة نرتاح بها، من البرادعي وشركاه.. من غير دم!

- يبقى محكمة ثورة.. التهمة قلب نظام الحكم!

- عفارم عليك.. رُفعت الجلسة (!!)


إضافة تعليق جديد

التعليق الوارد من المشارك أو القارئ هو تعبير عن رأيه الخاص ولا يعبّر عن رأي جريدة النهار الكويتية

عرض التعليقات

 

مواقيت الصلاة في الكويت